Buque de guerra

Buque de guerra
tipo de navío (es)
buque, navío de la marina (es) y plataforma de armas (es)
Información
Parte de	Armada

Un buque de guerra o buque militar ye un buque concebíu y construyíu pa funciones militares o de guerra.

Los buques de guerra de normal tán construyíos de manera totalmente distinta a los buques mercantes o buques turísticos, tienen sistemes d'armes, tán preparaos pa recibir daños y de normal son más rápidos y maniobrables qu'estos. A diferencia de les naves mercantes, les de guerra solamente lleven sistemes d'armes, munición y suministru pa la so tripulación. Los buques de guerra de normal pertenecen a l'armada del so país, anque hubo vegaes, nel pasáu, que fueron operaos por persones individuales o compañíes particulares.

En tiempos de guerra la diferencia ente buque de guerra y mercante frecuentemente ye confusa. En guerra, munches vegaes, los buques mercantes fueron artillados y emplegaos como buques auxiliares, como asocedió colos buques-Q na Primer Guerra Mundial y colos mercantes armaos na Segunda Guerra Mundial. Hasta'l sieglu XVII yera común que naves mercantes fueren obligaes a entrar al serviciu naval y nun yera raru qu'hasta la metá de les naves d'una flota fueren naves mercantes artilladas. Hasta que'l peligru de la piratería terminó nel sieglu XIX, yera común artillar grandes naves mercantes como yeren los galeones.